打印

[ROLEX] 關於勞力士的8個真相

關於勞力士的8個真相

1. Rolex勞力士嘅名字由來?
好多手錶品牌都會用自己嘅名去命名,但Rolex勞力士嘅創辨人名為Hans Wilsdorf,明顯Rolex係佢創作出嘅品牌名。聽講Hans改呢個名嘅時候,嘗試過幾百種字母排列組合,但試極都唔岩feel,直到有一日,佢搭緊公共馬車經過倫敦果陣,突然聽到有位精靈喺佢耳邊講咗一個字,Rolex。從此就下定決心要用呢個做品牌名同發展落去。

2. Rolex嘅成功全靠世界大戰?
1910年嘅手錶由於初初面世,機械結構、零件同準確性唔高,可以話係裝飾多過實用,所以冇乜人願意戴錶。但1908生正式註冊ROLEX品牌之後,手錶嘅功能同防水效果得到全面提升。1914年第一次世界大戰爆發,由於士兵已經背負厚重嘅裝備,用傳統懷錶好唔方便。ROLEX手錶正正提供到更方便嘅閲讀時間功能,加上金屬錶帶比傳統皮革錶帶更能抵抗潮濕。經歷過第一次世界大戰,ROLEX嘅口碑立刻喺軍方之間流傳,奠定未來同英國皇家海軍合作嘅契機。

3. Rolex登過上月球?
另一個手錶品牌OEMGA登過上月球,更推出一系列嘅月球錶,就人人都知。但其實ROLEX都登過上月球架,1972年12月11日,阿波羅17號登月,雖然ROLEX唔係NASA官方認定嘅手錶,但指令艙駕駛員 Ron Evans將自己喜愛嘅ROLEX GMT以個人意願工具包 (Personal Preference Kit, PPK)戴上月球,返回地球後,仲自豪咁喺手錶背面刻上 FLOWN ON APOLLO XVII 6-19 DEC 72 ON MOON 11-17 DEC RON EVANS.

4. Rolex來自於倫敦?
標榜 Made In Swiss嘅Rolex,其實唔係當地原生品牌,創辦人Hans Wilsdorf 不但唔係瑞士人,甚至唔係鐘錶師,佢係一位德國嘅商人。只因佢畢業後入咗朋友一間家族鐘錶進出口代理公司做,被手錶產業嘅高利潤所吸引,所以向姐夫Alfred Davis借錢,於1905年喺倫敦成立Wilsdors & Davis手錶貿易公司,原先只喺唔同公司嘅零件組裝拼合。直到有一日,喺倫敦嘅公共馬車上面聽到有位精靈喺佢耳邊講......

5. Rolex一年賣出幾多隻錶?
跟據國際顧問公司 Reputation Institute每年對國際大企業總體表現評分,2016年ROLEX成為全球最佳聲望品牌,當然ROLEX都係呢個評分嘅前十名常客。保值、耐用、經典等等已經成為勞力士嘅代名詞,雖然冇公布實際銷售數字,但根據日內瓦指標性商業媒體Le Temps估計,勞力士2008年賣出至少77萬隻手錶,銷售收入約450億瑞士法郎。而維聊百科上2012年的勞力士銷售數字為120萬隻。

6.Rolex生產一隻手錶需要幾耐?
以前有部勞力士嘅廣告宣稱一隻勞力士腕錶大約要花費一年時間製作,聽起來好像是廣告噱頭,但實際上是事實,而且到今日都依然需要。勞力士一年嘅腕錶產量大約係100萬至120萬隻左右,而在參觀錶廠嘅時候,可以發現製作勞力士上,每一步驟都要求品質,勞力士從上到下都專注喺製造出最好嘅腕錶,而且持續努力越做越好。勞力士不斷學習如何透過更好嘅製作同技術嚟改善品質,將鋁質錶圈改成陶瓷錶圈就係其中一個例子。勞力士從錶殼塑形,再到測試機芯精準度,中間經過的過程大概會花上一年時間。所以整一隻用一年,真係唔係吹水架。

7. Rolex 點解咁炒得?
首先貨源少,質素高,手錶自然炒得起喇。咁除咗呢啲供求問題外,Rolex擁有名人效應,但唔係一般常見品牌代言人咁簡單。勞力士Daytona面世至今逾50年,美國荷里活明星Paul Newman手戴Daytona出演電影《Winning》開始,直到2017年這隻明星級腕錶,以1,775萬多美元嘅天價落槌,可見所指的並非一般的「名人」效應。再加上貨源稀少,用上最高質素嘅質料,設計擁有品牌風格同形象, 配合埋運動趨勢設計出嘅膠帶運動款手錶,要炒唔起都好難喇。

8. Rolex 嘅耐用程度?
勞力士係少數擁有專業實驗室的鐘錶品牌,有內部研發部門,正因為所有零件配件都係自己研發,製造同組裝,所有步驟都自己動手,唔會outsource俾其他製造商,所以所有嘅零件喺運作、配合同質素上都會有極高嘅穩定性。 用料上,2003年之後才逐步將旗下錶款的不鏽鋼材質都換成904L,因為它更能抵抗生鏽以及侵蝕。而且它拋光起來的顏色更加光澤,有別於一般手錶嘅效果。
香港SVBBS ROLEX QQ群:426216117

TOP